Hugleiðing til þeirra sem á peningum halda.

þá á ég við þá sem hafa mikið undir koddanum..... Það gefur mér mikið að gefa. enn ykkur?

Ole ole ole ole ole ole......

......... ole ole ole ole ole.
Hvað sem því líður þá fer ekkert frekar í taugarnar á mér en svona óþarfa blogg, eins og þetta. Biðst forláts og fer þar með í háttinn því stórvinur minn Stekkjastaur er að koma til mannabyggða

Liverpool lék Marseille grátt

Hef gengið milla á milli en......

............ en ekkert gerist, enginn vill koma á fót útvarpi með Íslensku tali og tónum. Er að hugsa um að tala næst við Den Danske Bank og athuga hvort þeir væru til í Danskt radio á Íslandi ? Ja! eitthvað verður að gera til að spyrna við innleiðingu Ensku tungunnar sem tröllríður öllum fyrirtækjum og stofnunum.

Áfram Ísland! nei ég meina Danmark

Íslenskt Útvarp já eða nei

..........................................

Útvarp er hljóðvarp og Ísland er landið

..............  spurningin er því þessi,, er rekstrargrundvöllur fyrir Íslensku hljóðvarpi?

Koma svo 1.2.3

Taktu þátt í léttri skoðanakönnun og fáum þetta á hreint í eitt skipti fyrir öll, einkum fyrir Íslensku tónlistar hjörtun sem bíða svars og vonast eftir Íslenskra-tónavarpi.

Sjá hugrenningar mínar í færslu hér á undan um Íslenskt útvarp á árum áður. Andi Frostrásarinnar á sveimi yfir......

 

 

Nú er andi Frostrásar sveimandi yfir borgum, bæjum og sveitum

.................. það er alveg ljóst að á þessum árstíma er erfitt fyrir mann eins og mig að standa hjá eða sitja hjá og þá hlusta á raddir á öldu ljósvakans þegar líða fer að jólum.

Ástæðan er einföld, fyrir all þó nokkrum fjölda af misserum brugðum við félagarnir undir okkur betri barkanum og settum af stað útvarpsstöðina sem bar nafnið FROSTRÁSIN FM 98,7 á Akureyri.

Það sem einna helst um hrærist í mínum kolli nú er,, Útvarpsfíknin, Jólabærinn Akureyri með Frostrósir í hönd, Jólin færast nær, Bubbi Morthens að tala fyrir Íslenska tónlist og svo allur styrkur Björgólfs til Íslenskrar þáttargerðar fyrir sjónvarp.

Með hreinni og beinni orðum.

Mikið hrikalega langar mig að komast af stað með útvarpsstöð sem leikur eingöngu Íslenska tónlist og þá á Íslenskri tungu, Hvaða Akureyringur og nærsveitungur man ekki eftir næturvöktum Hljóðbylgjunar FM 101,8 ,,bara stuð'' og Íslenskum tónum á Sunnudagskvöldum ,,og allir sungu með'' man eftir einu Föstudags eða Laugardagskvöldi þegar ég spilaði á Bylgjunni 989 og missti mig í Íslensku tónlistina ,,eins og reyndar oft áður'' það varð allt geggjað, stuðið heltist yfir sveitir og bæi, einkum heyrðust glaðværar raddir frá Akureyri þar sem áður nefnd næturvakt kom til tals, og ÍTREKA allt á ÍSLENSKU.

Það er bara einn galli á þessu öllu. Ekki get ég litli stóri maðurinn farið að ráðast á einhvern 365 metra háan risa með litla stóra sæta Íslensk ættaða útvarpsstöð og þykjast ætla sigra landið og miðinn, neeeeiiiiiiii það gengur víst ekki nema einhverjir stórir og fínir kallar með bindi komi mér til aðstoðar til að losa aðeins undan koddanum.

Kominn heim í heiðardalinn, kominn heim með slitna skó......

Ég er að fíla þessa borg í reimar   og þá slitnar skó reimar.

                                                                    

Ef einhver spyr ...........

............ já ef einhver spyr þá skrap ég erlendis.

 

Ég hef aldrei áður séð aðra eins gommu af reiðhjólum.......

Hérna úti í Köben í Köben Köben hérna úti í Kobenhavn

Tivoli Tivoli Tivoli hihi. Tivoli Tivoli Tivoli hihi ið er lokað.

Má til með að .....

..............var að taka eftir bráðsmellnu atriði á einni mynd sem ég geymi hér í myndasafninu mínu

 

Þessi mynd er tekin á Norðfirði í janúar 2005 þegar við félagarnir Valdi (vélstjórinn) lengst til vinstri, Halli P (Skipstjórinn) og ég (Stýrimaðurinn) vorum að taka við þessum eðalvagni úr höndum bílstjóra SVN þ.e Síldarvinnslan. Þegar þarna er komið við sögu er ca tveggja tíma vinna eftir við að koma vagninum úr sporunum því bilunnar varð vart í loftkerfinu, Valdi reddaði því. Svo er loksins var komið að brottför frá Norðfirði,  lá leiðin í átt að Eskifirði, reyndist vagninn af einhverjum orsökum ekki hafa allt það gamla góða afl sem til þarf upp á Oddskarðið, en undirritaður stappaði pedalanum í gólfið, jú það virtist ætla ganga, en eitthvað var ekki eins og það átti að vera.  Tók strákurinn ekki eftir oranges lituðum bjarma undan aftur endanum. STRÁKAR ÞAÐ ER KVIKNAÐ Í VAGNINUM !!! hrópaði ég. Halli hljóp aftur í til að grípa slökkvitækið og Valdi hljóp út og opnaði vélarsalinn, nú það er skemmst frá því að segja að slökkvitækið var botn fallið ,,Ónýtt'' en, eins og áður kom fram þá vorum við á ferðinni í janúar og ef myndin er skoðuð nánar sést í fallega hvíta mjöll, það var því okkur til happs  og byrjuðum við að ryðja snjó inn í vélar salinn, um leið og upp í hugann skaut ,,já ok, þessi vagn er ekkert að fara til Reykjavíkur eftir allt saman'' þessi bruna aðgerð sýndi hinsvegar  að við félagarnir eru gjaldgengir í hvaða slökkvilið sem er  því vagninn var mun sprækari eftir brunann og stóð sig eins og sannur strætisvagn, ja! eða langferðabíll, alla leið til Reykjavíkur þar sem hann er nú staddur á athafnasvæði Strætó bs Kirkjusandi, bíður þess að komast í öruggt húsnæði svo hægt sé að hefja á honum allar þær lýtaaðgerðir sem til þarf að koma honum í það horf sem hann var í þegar hann hóf akstur á leið 2.Grandi - Vogar, árið 1973.

Enn rúsínan í pylsu endanum ekki pulsuendanum er ástæðan fyrir upphafinu á þessari lyklaborðs gleði er........ þegar ég var að skoða myndina betur þá brá mér aðeins, því ég sýnist jafn stór eða hár og vagninn  það er hins vegar tvennt ef ekki þrennt sem útskýrir það. Nr 1. Vagninn er loftlaus og liggur því flatur á púðunum. Nr 2. Hann er ekkert sérstaklega þekktur fyrir að vera stór sá er stendur mér á hægri hönd. Nr 3. Ég stend ekki alveg upp við vagninn

Kallinn skiptir upp gír.......

............. já kallinn (pabbi) er stöðugt að koma fólki á óvart, það er næsta víst, í gær skipti hann upp um gír og   yfirgaf gjörgæsludeildina, og skellti sér á deild 14G, sem c kominn úr 1.gír, er enn í lága drifinu. Þrátt fyrir allt virðist leiðin ætla að verða greið að malbikinu, enn við höldum ró okkar á meðan og vonum að veginn taki ekki í sundur ,,vegna vatnavaxta''  

Svo vil ég nota tækifærið og þakka Læknum og hjúkrunarfólki öllu á gjörgæsludeild LSH við Hringbraut fyrir frábært starf, hlýja og notalega nærveru. Þið eruð heilbrigðisstéttinni til fyrirmyndar.