Það er erfitt að horfa á hann berjast fyrir lífi sínu !

.................... Já það er erfitt að horfa á Pabba sinn berjast fyrir lífi sínu tengdur slöngum tækjum og dóti á Gjörgæsludeild LSH. Hann fór inn á spítala í vikunni og versnaði svo allsvakalega á Miðvikudaginn var, fór í aðgerð sem var ansi flókin, var á ákveðnum tímapunkti vart hugað líf, en sá gamli kallar ekki allt ömmu sína og komst yfir þann kafla,í bili, en kaflarnir eru ekki búnir í ævisögu hans, virðist vera, og berst áfram eins og hann er vanur, enda æði margt sem á hans ævidaga hefur runnið. Sjúkra sagan hófst 5.apríl 1986 í Ljósufjöllum, þegar hann og Kristján Guðmundsson lifðu af hræðilegt flugslys þar sem fimm fórust. Líf Pabba gamla hefur ekki verið dans á rósum eftir það, en í dag er hans lífsdans mjög svo tvístígandi.

Ég bið hans verndar engla um að vaka yfir honum og styrkja

 

 

Athugasemdir

[Karl Tómasson, 15.10.2007 kl. 00:59]

Bestu kveðjur frá Kalla Tomm úr Mosó kæri bloggvinur.

[Kjartan Pálmarsson, 15.10.2007 kl. 08:20]

Þakka ykkur fyrir drengir góðir!

Guðmundur þetta var vél á leið til Reykjavíkur frá Ísafirði.

[Fiðrildi, 15.10.2007 kl. 11:08]

Vonandi eru betri stundir framundan fyrir ykkur báða.

[Kjartan Pálmarsson, 15.10.2007 kl. 14:33]

Takk fyrir Arna!  

[Kjartan Pálmarsson, 15.10.2007 kl. 14:39]

Manni finnst þetta líf hafi verið fullhart við kallinn, lendir í þessu slysi aðeins 36.ára gamall, en í slysinu farast, sambýliskona hans og litla systir mín, flugmaðurinn og tveir aðrir.

Já það getur verið skepna þetta líf

[Ásdís Sigurðardóttir, 16.10.2007 kl. 01:26]

Guðmundur ert þú ekki að hugsa um slysið í Snjófjöllum, eða það minnir mig að þau hafi heitið. Ungt fólk á leið norður í land á þing eitthvað, man ekki hvað, en minnir að einn hafi heiti Hjörleifur og verið skólabróðir minn úr Versló.

[Guðrún María Óskarsdóttir., 16.10.2007 kl. 01:40]

Ó    Guð     minn       góður     , elsku Kjartan, allar mínar góðu óskir og bænir sendi ég strax til ykkar allra.  Hann pabbi þinn er hetja lífsbaráttunnar, gegnum raunir lífsins, og öll þau ósköp sem fylgdu afleiðingum slyssins í Ljósufjöllum.

mínar innilegustu kveðjur og ósk um bata.

kv.gmaria.

[Helga Guðrún Eiríksdóttir, 16.10.2007 kl. 01:55]

Sorglegt að heyra, bænir og batakveðjur héðan. Það virðist vera seigt í þeim gamla, svo vonandi lætur baráttuandinn í læsta drifið og keyrir sig útúr þessum veikindum hans núna. Von og styrkur til þín vinur. x

[Kjartan Pálmarsson, 16.10.2007 kl. 08:37]

Þakka ykkur öllum fyrir hlýjar kveðjur til handa Pabba, ég kvísla þeim í eyra hans. 

Ég held einmitt að það sé rétt  eins og Helga Guðrún segir, hann hefur sett í driflæsinguna og mjakar sig hægt áfram vegin í von um hindrunarlausan vegslóða.

Takk Takk

[Ragnheiður , 17.10.2007 kl. 22:32]

Bestu óskir um góðan bata pabba þíns. Hann er sterkur ,hefur sannað það fyrr