Það er alltaf gott að fá sér kaffisopa, sérstaklega í góðum félagsskap.

....Já það er engin vitleysa að kaffið hressir bætir og kætir, í það minnsta hefur það verið þannig í mínum hreppi, held bara frá því að hreppstjórinn var barn að aldri.

Ég var nú ekki hár í loftinu þegar afi var farinn að bjóða mér kaffi (svart kaffi) efast um að ég hafi verið byrjaður í grunnskóla þegar fyrsta boðið var þegið, enda heillaði kaffi og kæfubrauðs ilmurinn  í Ásgarðinum hjá afa og ömmu hér í denn, og gerir að sjálfsögðu enn, þ.e ilmurinn, því þessi ilmur læddist að mér í bítið og þá datt maður aftur til þeirra ára sem teljast rétt eftir miðbik seinnihluta síðustu aldar.

Í dag er ég svokallaður kaffi svelgur ekki niðurfall, það jaðrar við að meðferðar sé þörf, en svona er þetta bara! Kaffi er gott, fáðu þér sopa.

 

Athugasemdir

[Fjarki , 28.1.2008 kl. 17:28]

Og ekki hættir þú að stækka, þó að ungur hafi byrjað á kaffiþambi!

Nema þú hafir verið orðin 190 svona ungur?

Það var mér sagt sem peyji. Kaffi=lítill.

[Kjartan Pálmarsson, 28.1.2008 kl. 19:02]

Þú segir nokkuð! Ég hugsa þetta hinsvegar þannig,  ef ég hefði ekki farið að þamba kaffi, hvað þá? Værum við að tala um 2,30 í dag? Því segi ég takk fyrir kaffið.