Í hugar að opna Lögfræðiskrifstofu

... hef einmitt í alllangan tíma velt vöngum yfir því hvort ekki framtíð mín hér á landi væri sú að opna lögfræðiskrifstofu, með innheimtu sem aðal.

Þá gæti ég boðið fyrirtækjum og stofnunum góðan díl á innheimtukostnaði gagnvart þeim en smurt nógu mikið ofan á til skuldarans sjálfs sem ber að sjálfsögðu að borga allan pakkann innan 10 daga og ef ekki þá smyr ég öðru eins ofan á allt og ef ekkert gerist þá nú þá sendi ég skuldina fyrir dóm og get þá um leið smurt rúmlega öðru eins ofan á allan pakkann. Þegar þarna er komið við sögu er skuldin orðin helvíti pattaraleg fyrir mig í bókhaldið. En ég sem lögfræðingur sjáið, er náttúrlega ekkert farinn að hugsa út í það á þessum tímapunkti að ég er búinn að mála skuldara út í horn og gera honum það gjörsamlega ókleift að geta borgað þetta nokkurn tíma.  Því ég er strax farinn að mála fleiri skuldara út í sama hornið.

Þá er bara næst hjá mér að ath hvort á einhverjum þessum skuldum leynist ekki ábyrgðarmaður hahaha og hefja sömu aðferð á honum og þeim. Þegar þarna er komið við sögu er ég ekkert að pæla í því hvort þeirra högum sé nokkuð betur háttað en hjá aðalskuldara, því mér er alveg sama. Kannski get ég stuðlað að því að þeir reyni að reyta inn á mig í von um að þeir geti ekki borgað sínar skuldir sem ég svo síðan get tekið að mér að innheimta híhíhíhí því svo eru kannski einhverjir ábyrgðarmenn þar líka sem ég get farið að senda ,,ástar"bréf. Ef ég verð duglegur verð ég kannski búin að ná inn í innheimtukerfið mitt heilt ættartré og vini þeirra ásamt þeirra vinum og svo þeirra ættartré líka hehehe...........

En þá kom yfir mig eitthvað sem minnti mig á söguna af því þegar Skrattinn fór í mál við Lykla Pétur ..........

Athugasemdir

[Ómar Ingi, 8.9.2009 kl. 19:04]