Aldnir vinir saman að blogga annar á sjó enn hinn út í mó

........já hann er sérstakur þessi blogg heimur þar fer fólk sem skrifar um hinar ýmsu raunir sem hafa gerst hjá þeim eða einhverjum öðrum nátengdum, svo lesa þessar færslur hinir og þessir, þ.á.m ég og hendi inn einhverjum (mis góðum) athugasemdum hjá fólki sem ég þekki ekki baun og þá allra síst það mig.  En svo koma upp í bloggheimum fólk sem maður kannast við frá fornu fari, eða þannig, t.d í dag rakst ég (mér til mikillar ánægju,gleði og allur sá pakki)á bloggsíðu frá áhöfninni á Hákon EA 148 Grenivík og þar á myndum af áhöfninni kannast maður við asko.... mörg andlit og gæða sálir, strák pjakka sem tækluðu mann á fótboltavellinum í denn á æfingum hjá Magna Grenivík  sem betur fer voru þeir svo með manni í liði þegar út í alvöruna var komið og við öttum kappi við stórlið á borð við Geisla í Aðaldal Eflingu frá Laugum, Völsung Húsavík, Einingu í Barðadal og svo náttúrulega Bjarma úr Fnjóskadal að ógleymdum Mývetningunum.   Og svo öll minni liðin eins og KA,Tindastóll og þ.h lið.

Enn það var hrikalega gaman að þessu, skemmtilegur tími, það er ekki spurningin.